Aumt

Mikið finnst mér aumt, þegar fjölmiðlar eru að raska grafarró fyrrverandi biskups, maðurinn var kannski breiskur, en sá yðar sem syndlaus er kasti fyrsta steininum, hinsvegar, þá er enginn prestur, né trúfélagsleiðtogi, hér á landi sem annarsstaðar, algerlega syndlaus, sem og ég sem er bersyndugur maður, meigi Herra Ólafur Skúlason hvíla í FRIÐI

Afgreiðslustörf

Mig langaði í morgun að fá mér Sunnudagsmoggann og þar sem bensínstöðvar opna ekki fyrr en kl 0900 á Sunnudagsmorgni, þá fór ég í næstu 10/11 verslun hér í Garðabæ, við aðkomu mína þar inn, sá ég aðeins einn öryggisvörð frá Securitas og var hann þarna við öryggisvörslu OG AFGREIÐSLU, þessi ungi maður tjáði mér að hann væri atvinnulaus smiður og þessvegna í vinnu hjá Securitas, ég sjálfur hef starfað við öryggisvörslu til fjölda ára og hef aldrei unnið önnur störf en Vörslustörf samhliða öryggisvörslunni og  spurningin er sú, hvað hefði umræddur öryggisvörður gert, ef að búðin hefði verið full af fólki og hann hefði þurft að sinna afgreiðslu, ég er hræddur um að lítið hefði verið um rýrnunareftirlit, eins og maðurinn var ráðinn til, en þegar ég hafði tekið blaðið úr rekka, svipti öryggisvörðurinn sér, á bak við búðarborðið og afgreiddi mig og vona ég þessvegna að Securitas borgi  honum mannsæmandi laun, fyrir þessa tvöföldu vinnu hans

Kæra þú

    Kæra þú,Stundum þegar við lítum yfir lífið, þá viljum við gjarnan vera gagnrýnin á sjálf okkur og jafnvel vorkenna sjálfum okkur og segja;”hversvegna mistekst lífið hjá mér, þegar allt heppnast hjá Stínu vinkonu ??”, jú, jú Stína vinkona á hús hún á bíl, hún á myndarleg börn og hún á mann og stendur hún jafnvel brosandi við hlið hans í öllum samkvæmum, en BROSIR Stína inn í sér, það veit engin nema hún sjálf, því að eitt getum við aldrei vitað og það er hvað skeður innan veggja á öðrum heimilum og hvað höfum við ekki orðið oft hissa þegar X og Y skilja, fólkið sem við héldum að væri svo hamingjusamt,en sambúðin innan heimilisins, var í raun andlegt ofbeldi fyrir þau bæði tvö. Einu sinni spurði mig mjög fatlaður maður hvort að ég hefði nokkurn tímann slegið mann eða konu, svar mitt var “Nei Eiríkur minn, mér þykir alltof vænt um mannkynið til að berja á því”  Skoðum þetta nánar, auðvitað á ég jafnlangt ef ekki lengra í fullkomnun og aðrir menn hér í heimi, en ég geri mér fulla grein fyrir að við dveljum hér á jörðinni skamma stund og hef tekið þann kostinn í lífinu að rétta fram hægri vangann, ef að ég hef verið sleginn á þann vinstri, oftar en ekki hefur þetta verið erfitt, en ég hef staðið eftir sem sigurverari, lítum svo á sögð orð, en þegar ég gekk í seinasta sinn út úr talkennslutíma á sjúkrahúsinu, sem ég var vistaður á eftir títtnefnt slys, þá sagði talkennarinn minn mér málshátt, sem hljóðar svona “EF AÐ ÞÚ SEGIR ALLTAF SANNLEIKANN, ÞARFT ÞÚ EKKI AÐ MUNA HVAÐ ÞÚ SAGÐIR” og á öðrum stað í lífinu hef ég líka lært að “SANNLEIKURINN VÍKUR ALDREI AF HÓLMI ÁN SIGURS”, en þessar tvær ástæður eru aðalástæður þess að ég hef valið mér tvo förunauta í lífinu en það eru hreinskilni og heiðarleiki og hefur mér oft verið sagt “að oft má satt kyrrt liggja”, en kæra þú, ég sé enga ástæðu til að vera í einhverjum feluleik í lífinu aðallega til að þóknast öðrum í orðum og athöfnum, en á mesta erfiðleikapunkti í lífi mínu, var ég mjög eigingjarn, þegar ég hugsaði og framkvæmdi hugsunina, “fyrst kem ég, svo kem ég aftur, síðan kemur hitt pakkið þegar MÉR þóknast”, en þarna sat ég í hjólastól og var að loka fortíðarbókinni, sem mér TÓKST með miklum ágætum, því að engum manni né konu er hollt að vera að stappa sífellt í fortíðinni, því að sú persóna FESTIST í lífinu, ég stend upp í lífinu í dag kinnroðalaust og segi fullum fetum, “Ég á ENGA fortíð”, sérfræðingar og aðrir sem hafa dáðst að hvernig ég hef afgreitt mál mín, segja að ég eigi kannski eitthvað betra með þetta en annað fólk, þar sem engin börn eru í spilinu hjá mér. Það er þetta með blessuð börnin, stundum sakna ég þess að þetta hafi ekki legið fyrir mér í lífinu,þ.e.a.s að eiga börn, en hinsvegar hef ég komist að raun um  að hér í lífinu er fullt af börnum, sem þurfa vilja og krefjast væntumþykju, en kæra þú , það er nokkuð ljóst að ég færi ekki út í það að kaupa eina Thailenska úr katalóg, til að fara út í barneignir á gamals aldri onei.Kæra þú,Fyrir mann sem vinnur svona á nóttunni eins og mig, þá er alltaf viss sjarmi yfir nóttinni og hugmyndaflugið er miklu frjórra heldur en á daginn eins og þú kannski sérð á þessu bréfi og rétt í þessu varð mér litið upp, þá sá ég ljós slokkna í einum glugga, þannig að nóttin sígur yfir borgina--, en ég vaki--, þegar borgin vaknar, þá sofna ég. Stundum vill maður eitthvað meira en maður hefur í lífinu og er það oftar en ekki, en kæra þú, hvað þarf svona  kall eins og ég meira í þessu lífi, ég get gengið, ég get hreyft hendur og fingur og ég get talað og meira að segja rifið kjaft, ég á allt af öllu og þarfnast einskis, ég set þetta fram vegna þess að hvað heldur þú að séu margir menn í sömu aðstöðu og ég en kjósa samt að leita af sjálfum sér annarstaðar en í sjálfum sér t.a.m. á öldurhúsum og í glasinu, ég hefi leitað af sjálfum mér bæði á öldurhúsum og í glasinu, en líkaði ekki við þann mann er ég rakst á en fann EKKI þar, þess vegna sá ég að best væri að kíkja aðeins inn í sig, með fullri skynsemi og annaðhvort er það aldurinn eða þroskinn en ég verð stöðugt ánægðari með þann mann sem í mér er, en hann þroskast og breytist stöðugt og tel ég það vera framför í lífinu. Kæra þú,Ég vona að þú hafir ekki sofnað undir þessari hugleiðingu minni, en þó svo að ég sendi þetta frá mér til þín, þá eru og voru þessar línur ekki ætlaðar neinum sérstökum, ég er aðeins að skrifa mig frá hlutunum og er það skref sem ég hef notað á þroskabrautinni, til að þroska sjálfan mig, en í lokin, þá er ég þakklátur þér fyrir að hlusta.Kæri Ég           

 


Innskráning

Ath. Vinsamlegast kveikið á Javascript til að hefja innskráningu.

Hafðu samband